Уйку - сергек жашоонун эң маанилүү компоненти, бирок, көбүбүз аны башка кызыктуу иштер үчүн курмандыкка чалса болот деп ойлойбуз. Мындай ой жүгүртүү абдан кооптуу, анткени уйкунун жетишсиздиги жашоонун сапатын кескин төмөндөшүнө алып келет,
ошондой эле туура тамактануу менен физикалык көнүгүүлөрдүн пайдасын көрүүгө тоскоол болот.
Уйку учурунда чоңою-өсүү гормону өндүрүлөт, бул организмдин булчуңдарын колдоп турууга, калыбына келтирүүгө жана ич майын азайтууга жардам берет. Ошондой эле ал эс тутумду бекемдейт жана түздөн -түз мээнин клеткалык түзүлүшүн өзгөртөт: дене эс алып жатканда, мээ нейрондордун деградациясын козгогон кыйратуучу молекулаларды жок кылуучу цереброспиналдык суюктук менен жуулат. Уйкунун бузулушу көздүн алды каракөк тартып калышынан да алда канча олуттуу көйгөйлөрдү жаратат. Сиз ачуулу болуп, баарлашуу кыйын болуп калат. Сиздин өнөктөштөрүңүз, балдарыңыз жана ата -энеңиз кыйналат. Эмгек өндүрүмдүүлүгү төмөндөйт.
Негизги стресс гормону кортизолдун деңгээли жогорулап, сиз тамакты көбүрөөк жей баштайсыз, натыйжада организмде май топтоло баштайт. Калкан безинин иши жайлайт. Кандагы канттын деңгээли да жогорулай баштайт. Уйкусуздуктун узактыгына жана көлөмүнө жараша, рак оорусуна чалдыгуу ыктымалдыгы төрт эсе жогорулайт. Жүрөк ооруларынын пайда болуу коркунучу да көбөйөт.
